Ұлттық нейрохиругия орталығында бұрын шетелде операция жасалған пациентке алып ісікті алып тастау операциясы сәтті өтті

бейсенбі,  15  Май  2025

  Ұлттық нейрохирургия орталығына Динара есімді пациент қатты бас ауруы, есту және көру қабілетінің төмендеуі, жүрістің тұрақсыздығы және жалпы әлсіздік туралы шағымдарымен жүгінді. МРТ өткізілгеннен кейін  ми бағанының қысылуымен оң жақ мишық көпірінің және қайталама окклюзиялық гидроцефалия белгілерінің көлемді ісігі анықталды.

  Туыстарының ұсынысы бойынша пациент бұрын Өзбекстанда, Ташкент қаласында емделген. Онда оң жақ желке сүйегінің краниоэктомиясы және ісікті субтотальды микрохирургиялық алып тастау жүргізілген.  Операция мен дәрі-дәрмек үшін пациент өз қалтасынан 2,5 млн теңге төлеген. Алайда, ісік толығымен жойылмады және дәрігерлер Гамма пышақпен емдеуді жалғастыруды ұсынды.

   Уақытша жақсарғаннан кейін жағдай қайтадан нашарлаған, көруі күрт төмендеген. Содан кейін Динара радиохирургиялық емделуге үміттеніп, Астанадағы Ұлттық нейрохирургия орталығына консультацияға келді.  Алайда, МРТ ісіктің үлкен мөлшерге жеткенін көрсетті-5,03×4,58×3,71 см және Гамма пышақты қолдану мүмкін болмады.

  Пациент квота бойынша, тегін МӘМС шеңберінде емделуге жатқызылды. ҰНО командасымен күрделі операция жасалды: желке сүйегінің рекраниотомиясы және интраоперациялық нейромониторингті қолдана отырып, оң жақтағы акустикалық шванноманы микрохирургиялық толық алып тастау өткізілді.

  Операция сәтті өтті. Операциядан кейінгі кезеңде — неврологиялық бұзылыстар болған жоқ,  пациент  тез  оңала бастады, палатаға ауыстырылды.

«Астанада осындай ірі клиника бар екенін білмедім. Егерде мен осы орталыққа бірден жүгінсем, үлкен шығындар мен қайта операциядан аулақ болар едім. ҰНО операциядан кейін ғана жағдайым айтарлықтай жақсарды, әлсіздік жойылды, сезімталдық сақталды» - деп бөлісті Динара.

  Операцияны тәжірибелі мамандар жүргізді: дәрігер-нейрохирург Айдос Молдабеков және Айдос Құрманахунов. Дәрігерлер атап өткендей, ісікті сәтті жою дұрыс тәсілдің, заманауи жабдықтың және жан-жақты әдістің  арқасында мүмкін болды. Ұлттық нейрохирургия орталығы дәлелдеуді жалғастыруда: жоғары технологиялық және тиімді емдеу Қазақстанда — квота бойынша және жоғары кәсіби деңгейде қолжетімді.