Екінші мойын омыртқасында жайылған ісікті жою үшін жасалған күрделі нейрохирургиялық операция

бейсенбі,  22  Май  2025

  Бүгін біз екінші мойын омыртқасында (C2) жайылған ісікті жою үшін жасалған күрделі нейрохирургиялық операцияны көрсетеміз. Осы роликте ҰНО Жұлын нейрохирургиясы бөлімшесінің меңгерушісі, профессор Талғат Керімбаев операция әдісінің ерекшеліктерімен бөлісті.

   Неліктен операция ерекше?

  C2 омыртқасы (осьтік) бассүйек негізімен байланысады және бастың қозғалысында шешуші рөл атқарады. Ісік жету жолы  қиын аймақта, өмірлік маңызды құрылымдардың жанында — жұлын мен омыртқа артериясында орналасқан. Кішкене қателік жіберу қайтымсыз салдарға әкелуі мүмкін.

   Әдеттегі жағдайларда операция екі кезеңнен тұрады:

1. Ісікті ауыз қуысы арқылы алып тастау (трансоральды қолжетімділік);

2. Бұрандаларды бекіту арқылы омыртқаны тұрақтандыру.

 Біздің мамандар қандай шешімге тоқтады?

 Талғат Тынышбайұлы бастаған жұлын нейрохирургтары инновациялық модификацияланған тәсілді қолданды –омыртқа аяқшалары арқылы тіс тәрізді өсінді денесінің ісігін, омыртқаны бұрандалармен бекіту арқылы тұрақтандырумен бірге бір мезгілде алып тастау. Бұл әдіс жұлын мен жұлын артериясын айналып өтіп, ісікті толығымен алып тастауға және қосымша жарақаттауға қолжетімділікті болдырмауға мүмкіндік берді.

  Операциядан кейінгі екінші күні пациент палатаға ауыстырылды және аяққа тұрғызылды. Оның жағдайы тұрақты, қанағаттанарлық. Оң динамика байқалады және пациент үйге шығуға дайындалуда.

Жоғары технологиялық медицина біздің елімізде де дамып, осындай дәл және қауіпсіз операцияларды жүргізуге мүмкіндік беретініне шексіз қуаныштымыз.