8 наурыз қарсаңында Ұлттық нейрохирургия орталығында ерекше мерекелік шара өтті

жұма,  6  Март  2026

   8 наурыз қарсаңында Ұлттық нейрохирургия орталығында ерекше мерекелік шара өтті — жылы, шынайы әрі нағыз көктемгі көңіл-күйге толы мереке. «Ұлттық нейрохирургия орталығы» АҚ Басқарма Төрағасы Серік Ақшолақов ұжымдағы нәзік жандыларды мерекемен құттықтады. Концерттік бағдарлама мерекеге ерекше көңіл-күй сыйлады, ал кәсіподақ ұйымы естелік сыйлықтар әзірледі. Мерекенің ерекше сәттерінің бірі — Денсаулық сақтау министрлігінің «Денсаулық сақтау ісіне қосқан үлесі үшін» төсбелгісімен Сауле Қайдарқызының марапатталуы болды. Ол Орталық ашылған күннен бастап бухгалтер қызметін атқарып келеді. Көп жылғы адал еңбек, ұқыптылық пен жауапкершілік — Ұлттық нейрохирургия орталығының игілігі жолындағы маңызды үлес. 

  Құрметті әйелдер! Сіздерді келе жатқан мерекемен құттықтай отырып, зор денсаулық, бақыт, береке және көктемгі көтеріңкі көңіл-күй тілейміз!