ҰНО «Геморрагиялық инсульттің алдын алу және емдеудің нейрохирургиялық тәсілдері» тақырыбында практикалық семинар өтті

Понедельник,  2  Март  2026

Ұлттық нейрохирургия орталығында «Геморрагиялық инсульттің алдын алу және емдеудің нейрохирургиялық тәсілдері»  тақырыбында практикалық семинар өтті. Білім беру іс-шарасы Тамырлы және функционалды нейрохирургия бөлімшесінің дәрігерлерінің қатысуымен өткізілді.

Семинар білім беру сипатында болды және мамандардың кәсіби біліктілігін арттыруға бағытталды.

Іс-шара барысында келесі тақырыптар егжей-тегжейлі қарастырылды:

▪️ Геморрагиялық инсультті бейнелеуге арналған нұсқаулық. Диагностикадағы КТ және МРТ рөлі

▪️ Субарахноидты қан кету

▪️ Геморрагиялық инсультті емдеудің заманауи тенденциялары

▪️ Қантамыр жиырылуын эндоваскулярлық емдеу

▪️ Ми тамырларының аневризмаларын эндоваскулярлық емдеу

▪️ Гипертензиялық және миішілік қан кетулерді хирургиялық емдеу

▪️ Күрделі аневризмаларды микрохирургиялық емдеу

▪️ Геморрагиялық инсультті интервенциялық емдеуге арналған заманауи құралдар

    Шебер-класс аясында симуляциялық модельдерді қолдана отырып, демонстрациялық операциялар мен практикалық сабақтар өткізілді.

Іс — шараға еліміздің әр өңірінен келген 20-дан астам маман дәрігер-нейрохирургтар және Ұлттық нейрохирургия орталығының резиденттері қатысты.

Осындай білім беру іс-шараларын өткізу тәжірибе алмасуға, заманауи технологияларды енгізуге және пациенттерге медициналық көмек көрсету сапасын арттыруға ықпал етеді.