Тәуекелдерді басқару жүйесі
Тәуекелдерді басқару жүйесі (бұдан әрі – ТБЖ) 2014 жылдан бастап «Ұлттық нейрохирургия орталығы» АҚ-да (бұдан әрі – Қоғам) енгізілді және Қоғамның стратегиялық мақсаттарына қол жеткізуге теріс әсер етуі мүмкін ықтимал тәуекелдік оқиғаларды уақтылы сәйкестендіруге, бағалауға, мониторингтеуге және азайтуға бағытталған корпоративтік басқару жүйесінің негізгі құрамдас бөлігі болып табылады.
Қоғамда Тәуекелдерді басқару саясаты бекітілген. Ол тәуекелдерді басқару құрылымын, ТБЖ-нің негізгі компоненттерін айқындайды және тәуекелдерді басқару процесін іске асыру кезінде жүйелі әрі дәйекті тәсілді қамтамасыз етеді.
ТБЖ саясатын іске асыру шеңберінде келесі тетіктер әзірленген:
- тәуекелдерді бағалау және басқару әдістері мен шаралары;
- тәуекелдерді сәйкестендіру және бағалау әдістемесі, Қоғамның тәуекелдерін басқару әдістерін таңдау.
Қоғамның Директорлар кеңесі жыл сайын тәуекел-тәбетті, Тәуекелдер тіркелімін және Тәуекелдер картасын бекітеді. Қоғамның сапаны бақылау және тәуекелдерді басқару бөлімі негізгі тәуекелдердің динамикасы мен оларды барынша азайтуға бағытталған іс-шаралардың орындалуына тұрақты мониторинг жүргізеді.
Қоғамда тәуекел мәдениетін дамытуға ерекше көңіл бөлінеді — қызметкерлерді тәуекелдерді басқару процесіне тарту арқылы және Директорлар кеңесі, Басқарма және қызметкерлер арасында тұрақты ақпарат алмасу арқылы. Жыл сайын тәуекелдерді басқару және ішкі бақылау жүйелері бойынша оқыту мен тестілеу жүргізіледі.
Қоғам өз қызметін тұрақтылық пен қауіпсіздікті қамтамасыз ету қажеттілігін, сондай-ақ ресурстарды тиімді бөлу талаптарын ескере отырып дамытады. ТБЖ мақсаттарын қою барысында стратегиялық мақсаттарға қол жеткізу қажеттілігі назарға алынады және Қоғам дамуының негізгі басымдықтарына бағдар ұсталады.